કહે ટમેટું | Kahe Tametu | ધોરણ ૪ કવિતા | ગુજરાતી માધ્યમ | બાળકો ની દુનિયા
 |
| કહે ટમેટું |
કહે ટમેટું મને ફ્રિજમાં બહુ લાગે છે ઠંડી,
દૂધીમાસી, દૂધીમાસી! ઝટ પહેરાવો બંડી.
આના કરતાં હતાં ડાળ પર રમતાં અડકો-દડકો,
મીઠો મીઠો બહુ જ લાગતો એ સવારનો તડકો.
અહીં તો છે ઠંડી ઠંડી અને બરફનાં ગામ,
કોણે ફ્રિજ બનાવ્યું ? જેમાં નથી હૂંફનું નામ.
ત્યાં દરવાજો ખુલ્યો ફ્રિજનો લેવા માટે ઘારી,
મૂળાભાઈએ ટમેટાને ટપાક ટપલી મારી.
દડદડ કરતું ગયું ટમેટું છેક ફ્રિજની બહાર,
બારીમાંથી સૂરજ જોયો, નથી ખુશીનો પાર.
ત્યાં નાનકડાં કિરણો આવ્યાં પાર કરીને સડકો,
કહે, ટમેટાંરાજા હેરો, મીઠો મીઠો તડકો.
No comments:
Post a Comment